Kylian Mbappe mbetet në qendër të vëmendjes në merkato. Një ditë më parë në një konferencë për mediat trajneri aktual i PSG-së, Mauricio Pochettino do të shprehej se qëndrimi i tij dhe Kylian Mbappe do të jetë te skuadra franceze.
Në lidhje me këtë deklaratë të dhënë nga tekniku argjentinas është pyetur edhe trajneri i Real Madrid, i cili ka theksuar se trajnerët nëpër konferenca nuk thonë të gjithë të vërtetat.
“Trajnerët në konferencë nuk mund të thonë të gjithë të vërtetën. Është normale. Ne mendojmë për dy gjëra, fitoren nesër dhe të mërkurën”, tha Ancelotti.