Abonetë rikthehen në shtator, kohë kur nisin edhe shkollat. Heqja e aboneve të përgjithshme nga tregu për tre muajt e verës ka sjellë pakënaqësi te qytetarët për shkak të rritjes së kostove familjare.
Bashkia e Tiranës ka deklaruar se zgjodhi këtë periudhë për të bërë studimin për ristrukturimin e shërbimit të transportit duke patur parasysh se urbanët përdoren më pak.
Drejtori i transportit në Bashkinë e Tiranës, Enton Punavia është shprehur se organizimi i linjave të transportit urban nuk sjell rritje të çmimit të biletës.
Me fillimin e muajit Qershor Bashkia e Tiranës u ka kërkuar operatorëve që operojnë në këto linja të punojnë me kapacitet të plotë transportues.
