Një aksident ka ndodhur në aksin rrugor Lezhë-Shkodër.
Një automjet ka përplasur një këmbësor 40-vjeçar i cili është dërguar në spital për të marrë ndihmën mjekësore.
Drejtuesi i mjetit është shoqëruar për tu proceduar nga autoritetet përkatëse. Gjithashtu grupi hetimor po kryen hetimet për zbardhjen e shkaqeve të ngjarjes.
Lezhë/Informacion paraprak
Rreth orës 13:30, në aksin rrugor “Lezhë-Shkodër”, automjeti me drejtues shtetasin P. B., ka përplasur shtetasin M. F., 40 vjeç, këmbësor, i cili u dërgua në spital, për të marrë ndihmën mjekësore.
Me drejtuesin e automjetit po kryhen veprimet procedurale.
Grupi hetimor po punon për zbardhjen e shkaqeve të aksidentit.
