Abuzimi me minorenen, Gurra: Duhet kujdes i përditshëm prindëror

Ngjarja e Kavajës që tronditi opinionin publik është dënuar edhe nga Myftinia e Tiranës. Në ligjërimin e së premtes Myftiu Ylli Gurra apeloi për më shumë komunikim mes prindërve dhe fëmijëve. Sipas tij kujdes dhe mbështetje duhet treguar më tepër në moshën e adoleshencës.

”Edukimi i brezit të ri, të djemve dhe vajzave e bën edhe njëherë me jetik dhe primar domosdoshmërinë e skanimit të dijes sepse pasojat janë të paparashikueshme qoftë për djalin apo vajzën. Në rrugën e dijes të kenë mbështetjen, vlerësimin dhe dashurinë të përditshme të prindërve”,-tha Gurra.

Të mëdhenjtë shton Myftiu Gurra duhet të jenë të vëmendshëm që të rinjtë të mos bien pre e shantazhit dhe kërcënimeve në rrjetet sociale si dhe të sigurohen për rrugët nga të cilat marrin dije dhe informacion.