Aksident i frikshëm te Kthesa e Kamzës, përplasen dy makina, njëra përmbyset në asfalt (Foto)

Aktualitet E Premte, 28 Maj 2021 10:47

Një aksident rrugor ka ndodhur mëngjesin e sotëm pranë Kthesës së Kamzës në kryeqytet. Dy makina janë përplasur me njëra-tjetrën, dhe si pasojë njëra prej tyre është përmbysur në mes të rrugës.

Dy persona kanë mbetur të plagosur, dhe janë dërguar me urgjencë në spitalin e Traumës për të marrë ndihmën mjekësore.

Një qytetar i pranishëm në vendngjarje ka sjellë në “BalkanWeb” fotot nga aksidenti, ku duken dëmtimet e mëdha që kanë pësuar mjetet e përfshira në aksident.