Aksident me motor, humb jetën 47-vjeçari shqiptar në Itali (Emri)

Aktualitet E Diel, 30 Maj 2021 04:51

Një 47-vjeçar shqiptar ka humbur jetën tragjikisht në një aksident në Itali. Sipas mediave italiane, aksidenti ka ndodhur mbrëmjen e kaluar rreth orës 20:00.

Shqiptari Gazmend Dervishi që drejtonte një motor është përplasur me një automjet në autostradën Cuneo Savigliano, pranë komunës Centallo.

Përplasja ka qenë tepër e fortë dhe 47-vjeçari nuk ka mundur t’i mbijetojë plagëve të marra, pavarësisht ndërhyrjes së menjëhershme të ndihmës së shpejtë.