Aksident në aksin “Vorë-Fushë-Prezë”, shoferja 23-vjeçare humb jetën pas përplasjes me barrierat anësore

Një aksident me vdekje është shënuar mesnatën e së enjtes në Tiranë.

Aksidenti ndodhi rreth orës 00:00, në aksin rrugor “Vorë – Fushë-Prezë”, ku shtetasja E. E., rreth 23 vjeçe, dyshohet se ka humbur kontrollin mbi drejtimin e automjetit, i cili është përplasur me barrierat anësore të rrugës.

Si pasojë, 23-vjeçarja ka humbur jetën në spital.

“Më datë 13.02.2026, rreth orës 00:00, në aksin rrugor “Vorë – Fushë-Prezë”, shtetasja E. E., rreth 23 vjeçe, dyshohet se ka humbur kontrollin mbi drejtimin e automjetit, i cili është përplasur me barrierat anësore të rrugës.

Si pasojë, 23-vjeçarja ka humbur jetën në spital. Grupi hetimor vijon punën për zbardhjen e rrethanave të aksidentit.”- njofton policia.

Materialet procedurale iu referuan Prokurorisë së Tiranës, për veprime të mëtejshme.