Aksident në Fushë Krujë- Shoferi humb kontrollin dhe përplaset, dy të plagosur, njëri rëndë

Dy të plagosur, njëri prej të cilëve në gjendje të rëndë, është bilanci i një aksidenti të ndodhur rreth orës 14:30 të ditës së sotme në rrugën Fushë-Krujë Tiranë.

Makina ku udhëtonin dy të plagosurit, u përplas me trotuarin. Ata kanë marrë ndihmën e parë mjekësore në Ambulancën e Fushë-Krujës dhe janë dërguar me urgjencë drejt Spitalit Ushtarak në Tiranë.

Mësohet se njëri prej tyre është në gjendje kritike.

Sipas policisë, shkak për aksidentin është bërë humbja e kontrollit nga drejtuesi i mjetit që udhëtonte më shpejtësi të madhe.

Policia po punon per zbardhjen e mëtejshme të ngjarjes.