Aksidentohet furgoni me klandestinë të paligjshëm, 6 të vdekur

Gjashtë emigrantë të paligjshëm kanë humbur jetën dhe 10 të tjerë u plagosën si pasojë e një aksidenti në Alexandroupolis në Greqi.

Ngjarja ndodhi pasditen e sotme rreth orës 18:30, kur një shofer furgoni që transportonte 18 persona u drejtua drejt Alexandroupolis, por duke parë praninë e oficerëve të policisë u kthye drejt zonës së Delta Evros. Për arsye që ende nuk dihen ai humbi kontrollin e automjetit duke u përmbysur.

Mediat greke raportojnë se 10 të plagosurit janë dërguar në spital, nga të cilët 7 janë në gjendje të rëndë dhe po luftojnë me vdekjen.