Arrestohet i dënuari me 8 vjet burg për trafikim të narkotikëve

Policia e Gjirokastrës ka vënë në pranga një person të shpallur në kërkim për trafikim të narkotikëve.

Blutë bënë arrestimin e Athenajdo (Amarildo) Abazi, 35 vjeç, banues në Memaliaj.
Ndalimi i tij u bë pasi Prokuroria pranë Gjykatës së Shkallës së Parë për Krime të Rënda Tiranë, me shkresë 18/3, datë 19.01.2016, ka dërguar urdhërin e datës 18.01.2016, për ekzekutimin e vendimit penal 83, datë 29.06.2015, të Gjykatës së Shkallës së Parë të Krimeve të Rënda Tiranë, e cila e ka dënuar me 8(tetë) vjet burg.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë për Krime të Rënda Tiranë për veprat penale “Trafikim i lëndëve narkotike, e kryer në bashkëpunim, e mbetur në tentativë”.