Arrin në 70 mijë shifra globale e viktimave të koronavirusit

Aktualitet Bota E Hënë, 6 Prill 2020 14:37

Doctors tend to a patient arriving on a wheelchair at the reception of the Emergency Room, set up in a tent, in a courtyard of the Henri Mondor Hospital in Creteil, near Paris, on March 30, 2020, on the fourteenth day of a lockdown aimed at curbing the spread of COVID-19 (novel coronavirus) in France. (Photo by BERTRAND GUAY / AFP) (Photo by BERTRAND GUAY/AFP via Getty Images)

Sipas të dhënave të Universitetit “Johns Hopkins”, numri i përgjithshëm i të vdekurve nga koronavirusi në mbarë botën ka shkuar në mbi 70 mijë persona.

Ndërkohë shifra e personave të infektuar në tërë globin ka shkuar në mbi 1 milion e 286 mijë njerëz. Më shumë raste të infektimeve ka në Shtetet e Bashkuara – 338 mijë, më pas vjen Spanja me 135 mijë dhe në Itali 128 mijë.

Italia ende ndodhet në vendin e parë sa i përket numrit të viktimave me 15 mijë e 887 të vdekur. Në vendin e dytë është Spanja me mbi 13 mijë viktima dhe në të tretin Shtetet e Bashkuara me mbi 9600 viktima.

Kina ka regjistruar më së shumti persona të shëruar nga virusi – mbi 77 mijë. Pas saj vijnë Spanja me mbi 40 mijë dhe Gjermania me 28 mijë e 700 të shëruar, shkruan Gazeta Express.