Avokati i njohur Genc Gjokutaj: Apeli do vendosë mospranimin e ankuesit Alibeaj and co!

Avokati Genc Gjokutaj deklaron se se: 

më datën 3 mars Gjykata e Apelit Tiranë nuk do të gjykojë statutin e Rithemelimit e PD të datës 11 dhjetor 2021 pasi:
1. Gjykata e Apelit në fillim të gjykimit në bazë të ligjit verifikon praninë e palëve dhe legjitimimin aktiv të tyre dhe posaçërisht legjitimimin e ankuesit (Alibeaj &Co) që ka ankuar çështjen!
2. Gjatë verifikimit të legjitimimit aktiv të ankuesit (Alibeaj & Co) Gjykata e Apelit do të konstatojë se ankuesi jo vetëm që nuk ka qenë pale në gjykimin në shkallë të parë por as e ka kërkuar një gjë të tillë me kërkesë për njohjen e tyre (Alibeaj & Co) si palë e interesuar!
3. E vetmja kërkesë që ankuesit (Alibeaj & Co) kanë bërë gjatë gjykimit në shkallë të parë ka qenë përjashtimi i gjyqtarit të çështjes Z. Agron Zhukri nga gjykimi i çështjes! Kjo kërkesë i ka kaluar për shqyrtim gjyqtarit Arben Konstandini i cili ka vendosur rrëzimin e kërkesës se Alibeaj & Co për perjashtim të gjyqtarit Agron Zhukri pikërisht për shkak të mungesës se legjitimimit aktiv! Pra i palegjitimuari për të kërkuar përjashtimin e gjyqtarit të shkallës së parë u legjitimoka që të ankohet ndaj vendimit të këtij gjyqtari (Agron Zhukri) siç në menyrë haptazi të kundërligjshme ka ndodhur!
4. Në këto kushte Gjykata e Apelit është e detyruar që në fillim të gjykimit të vendosë mospranimin e ankimit të ankuesit (Alibeaj & Co) për mungesë të legjitimimit aktiv të tij pa i hyrë fare dhe pa shqyrtuar shkaqet e paraqitura ne ankim!
Kjo është rruga ligjore dhe kështu do të ndodhë! Kush mendon dhe shpreson ndryshe nuk mund të ndihmohet dot as me presion politik dhe as me para!