Dhoma Kombëtare e Zejtarisë nderoi me titullin “Mjeshtër” zonjën Resmije Tufa “Për përvojë shumëvjeçare, njohuritë dhe aftësitë profesionale në ushtrimin e profesionit të pastiçerisë si dhe për kontributin e dhënë ndër vite për përcjelljen e përvojës tek profesionistët e rinj.”
Resmije Tufa prej 25 vitesh së bashku me bashkëshortin ushtron zanatin e pastiçerisë në qytetin e Belshit. Së fundi ajo u asistua dhe u mbështet nga Dhoma Kombëtare e Zejtarisë e cila i akordoi dhe titullin “Mjeshtër”.
Të pranishëm në këtë ceremoni simbolike ishin Kryetari i Grupit Parlamentar të Partisë Socialiste Taulant Balla, Kryetari i Dhomës së Zajtarisë Luan Bregasi, kryetari i Bashkisë së Belshit Arif Tafani, deputeti Musa Ulqini etj.
Në fjalën e tij Balla vlerësoi Dhomën e Zejtarisë në promovimin e njerëzve të punës, pikërisht ata njerëz që tregojnë faqen më të bukur të Shqipërisë, atë të mikpritjes.
Balla gjithashtu tha se disa vite më parë biznesi i bashkëshortëve Tufa nuk do të kishte këtë sukses që ka sot, kur Belshi është kthyer në një destinacion të rëndësishëm turistik.
“Para 5 vitesh ky biznes do të fshihej mes një sërë godinash, në një amulli që ka mbizotëruar në këtë qytet në 25 vitet e para të tranzicionit.
Në vitin 2015 Belshi nisi një rrugëtim të ri që duket qartë. Rrugëtimi nuk ka përfunduar. Ne socialistët e kemi zakon shprehjen “nuk keni parë gjë akoma”, sepse punët e rëndësishme që do të vijojmë në Belsh janë shumë të mëdha.
foto galeri foto galeri foto galeri foto galeri foto galeri 12345PreviousNext
Pas përfundimit të qendrës ne do ta shtrijmë transformimin e Belshit në çdo cep”, deklaroi Balla.
Numri dy i PS Balla nuk kurseu ironitë kur tha se të tilla çertifikata pune dhe sakrificash, vlejnë më shumë se dekoratat e politikës.
“Jam shumë krenar që ndodhem në këtë ceremoni kuptimplotë, ku një zonje të ndëruar i jepet ky titull.Jam i bindur se sapo ta marrë vesh presidenti i Republikës do të japë një dekoratë se ja ka marrë dorën me dekoratat këto kohë.
Por titulli që jep Dhoma Kombëtare e Zejtarisë vlen më shumë sesa titujt që jepen për punë politike.”
Çertifikimi nga Dhoma Kombëtare e Zejtarisë nuk është thjesht një simbolikë, por falë ndryshimeve në legjislacion, këto çertifikata njihen nga të gjitha vendet e Bashkimit Europian.
Është në misionin e Dhomës Kombëtare të Zejtarisë çertifikimi, gjurmimi gjetja dhe vlerësimi i njerëzve më profesionistë në të gjithë Shqipërinë. Zonja Resmije Tufa i shtohet listës së artë të mjeshtrave të Shqipërisë.
Nuk është vetëm kjo detyra e dhomës, ne kemi një mision të gërshetuar me sistemin dual gjerman, që do të thotë, paradite punon, pasdite trajnohesh, merr një profesion, merr një zanat dhe kjo shtëpi e zejtarëve çertifikon profesionistët.
Falë legjislacionit, çertifikimet e Dhomës Kombëtare të Zejtarisë njihen nga Bashkimi Europian.
Ky ligj nuk mund të bëhej pa mbështetjen e qeverisë dhe të Kryeministrit Rama. Ai e kuptoi shumë mirë që në Shqipëri ka ardhur koha e vlerësimit të profesionistëve”, tha Balla.