Bilanci nga protesta para Kuvendit, 11 qytetarë dhe 6 policë të lënduar. Mbi 20 persona të shoqëruar

Protesta e kësaj të enjte para Parlamentit është shoqëruar me përplasje mes protestuesve dhe forcave të Policisë. 11 protestues kanë mbetur të lënduar dhe kanë marrë ndihmë mjekësore në spital. 6 punonjës policie janë trajtuar gjithashtu për lëndime në spital. Kurse më shumë se 20 protestues janë shoqëruar deri tani nga Policia.

Komiteti Shqiptar i Helsinkit ka shprehur shqetësim për mënyrën e ndërhyrjes dhe shoqërimit të protestuesve, duke kërkuar sqarime mbi respektimin e të drejtave të tyre. Organizata ka ngritur gjithashtu shqetësime për kufizimin e lirisë së një gazetari gjatë protestës dhe për statusin ligjor të personave të shoqëruar. Ndër të shoqëruarit ishte edhe Mirela Ruko nga ”Lëvizja Bashkë”.

Kreu i grupit parlamentar të Partisë Demokratike, Gazment Bardhi, u përjashtua nga seanca plenare, pasi lagu me ujë Kryeministrin Edi Rama. Më herët në mëngjes u poërjashtua edhe kreu i Partisë ”Mundësia”, Agron Shehaj. Deputetët e opozitës bllokuan foltoren teksa votoheshin projektligjet e rendit të ditës dhe në një moment ata nisën të hidhnin ujë në drejtim të Ramës, duke e lagur. Për këtë veprim, krytari i Kuvendit, Niko Peleshi, përjashtoi Bardhin nga seanca. Megjithatë ai vijoi të qëndrojë në sallë, teksa ligjet votohen njëri pas tjetrit.

Sali Berisha thotë se kryeministri Edi Rama erdhi në seancën plenare vetëm për të varrosur reformën territoriale. Sipas tij kreu i qeverisë dëshiron një reformë për interesa politike dhe jo në interes të qytetarëve. ”Rama varrosi një punë serioze të mbështetur nga komunitetet ndërkombëtare. Ai do një reformë jo në interes të qytetarëve. Këto janë përpëlitjet e fundit të tij, Edi Rama nuk shpëton më. Rama erdhi për të varrosur reformën territoriale. Nuk mbetet veç gjë tjetër vetëm revolta paqësore e bashkive. Protestuesit u sulmuan egërsisht me gaz lotësjellës dhe spraj ariu. Pati edhe të lënduar rëndë. Po ndjekim me shqetësim shumë të madh situatën e tyre”, tha Berisha, pasi PD braktisi seancën plenare, ku PS votoi e vetme të gjitha pikat e rendit të ditës.

Lexoni edhe:

Ismail Shehu zgjidhet nga Kuvendi si kryetar i Komisionit të Prokurimit Publik

Kuvendi miraton ndryshimet në ligjin për Policinë, ministri Lamallari: Rikthehet lidhja mes gradës dhe funksionit

Makinat e deputetëve largohen nga Kuvendi, protestuesit gjuajnë me vezë

Reforma territoriale, Berisha: Rama erdhi në Kuvend për ta ”varrosur”

Kuvend, PD ikën nga seanca plenare

Opozita vijon të bllokojë foltoren, mazhoranca voton projektligjet

Tensionet para Kuvendit, Policia shoqëron 12 protestues

PS voton e vetme rezolutat për SPAK, “OK” edhe për buxhetin dhe koncertin e Kanye West

Veprim simbolik në protestë, qese me plehra para policisë

Tensionet në Kuvend, miratohet propozimi i PS dhe mbyllen diskutimet

Spiropali: A do ta çlirosh opozitën? Berisha: Pëllumbeshë, erdhe e veshur si nuse në ditën tënde të fundit

Opozita bllokon foltoren dhe nuk lejojnë Maznikun të prezantojë raportin për ”Territorialen”

Gonxhja sulmon opozitën: Vendi nuk do të kthehet më në kaos, “Shqipëria 2030” nuk ndalet