Blerta mund të kishte shpëtuar por ilaçi mungon në Shqipëri

16- vjeçarja, Blerta Pepa humbi jetën nga “Hipertermia Malinje”, në sallën e operacionit në spitalin “Continental”. Por jeta e Blertës mund të ishte shpëtuar nëse medikamenti “Dantrolene” do të ishte i pranishëm në sallën e operacionit.

Nëse bëni një kërkim të thjeshtë në faqja e Agjencisë Kombëtare të Barnave për të parë do t’ju rezultojë se ky medikament nuk është në regjistrin e barnave të vendit tonë. Por edhe nëse e fut privatisht, do të ishte i paligjshëm dhe për këtë dënohesh.

Ky nuk është rasti i parë që ka ndodhur për shkak të mungesës së këtij medikamenti sepse edhe për vdekjen e 11- vjeçarit, Denis Alimadhi nga operacioni në sy mund t’i ishte shpëtuar jeta.