Bujqësia shqiptare, pas shirave të dendur dhe përmbytjeve

Në vetëm tre ditë, Shqipëria pati 200 milimetra shi që dëmtuan mijëra hektarë tokë bujqësore së bashku me serra dhe infrastruktura të tjera bujqësore. Kjo ishte në shkurt të vitit 2015. Dy vjet më vonë, gjërat janë në përmirësim për bujqësinë shqiptare.

Rajonet e goditur më rëndë ishin në jug dhe juglindje të vendit. Në rajonet e Vlorës, Fierit, Lushnjës, Beratit, Korçës dhe Gjirokastrës, rreth 10.000 hektarë tokë bujqësore janë dëmtuar. Kulturat ushqimore, bimët foragjere dhe serat për prodhimin e hershëm të perimeve dhe frutave janë dëmtuar ose shkatërruar.

Nën-sektori i blegtorisë është dëmtuar në një masë më të vogël, edhe pse mungesa e ushqimit në muajt që pasuan ndikoi negativisht në prodhimin e kafshëve.

Bashkimi Evropian, në bashkëpunim me Ministrinë e Bujqësisë, hartuan një program të rimëkëmbjes nga përmbytjet që shkonte përtej restaurimit të thjeshtë të para-vërshimeve dhe synonte rritjen e rezistencës në aspektin e infrastrukturës, institucionale dhe implikimeve sociale.

Sot, projekti “Rikuperimi i dëmeve bujqësore dhe kthimi i kapaciteteve prodhuese” ka hyrë në një fazë të re. Ai synon të rrisë aftësinë e fermerëve dhe komuniteteve rurale për t’iu përgjigjur fatkeqësive të tilla, gjithashtu të forcojë lidhjen e shërbimeve bujqësore dhe institucioneve të tjera të tilla si Qendra për Transferimit të Teknologjive Bujqësore, Shërbimet e nivelit komunal, Universitetet Bujqësore dhe Organizatave Joqeveritare që ofrojnë shërbime për fermerët, ose që janë të gatshëm për të investuar në zhvillimin ekonomik lokal .

FAO, në bashkëpunim me Ministrinë e Bujqësisë të Shqipërisë, ka ofruar një program trajnimi në gjashtë rajonet e prekura: Vlore, Fier, Lushnje, Berat, Korçë dhe Gjirokastër. Trajnimi mbuloi tema të tilla si “Rreziqet Natyrore dhe Ndryshimet Klimatike në Shqipëri”, “Ndikimi i ndryshimeve klimatike në Bujqësi”, “Praktikat e mira bujqësore për reduktimin e rriskut nga dëmtimet”, “Ndikimi i ndryshimeve klimatike në menaxhimin e integruar të dëmtuesve dhe siguria ushqimore”.

Programi i trajnimit filloi në zonat më të dëmtuara të Fier – Darzezë, Povelçë dhe Hekal, e ndjekur nga Berati, Korça, Lushnja, Gjirokastra dhe Vlora. Fermerët treguan interes të madh në zbatimin e praktikave të reja të dizenjuara për t’i bërë ballë kushteve të motit dhe të rrisin kapacitetin e prodhimit.

Pjesëmarrësit në programet e trajnimit të mbajtura së fundmi përfshinë stafin e ministrisë, përfaqësues nga Autoritetit Kombëtar i Ushqimit, Qendrës së Transferimit të Teknologjive Bujqësore, Agjensisë Shqiptare të Zhvillimit Rural, njësitë emergjente të qeverisjes vendore, Universiteti Bujqësor të Tiranës, dhe Organizatave Joqeveritare.

Në total u trajnuan 727 fermerëve dhe 137 extensionists dhe specialistë nga institucionet e tjera. Pjesëmarrësit vlerësuan shumë trajnimin dhe e konsideruan atë të domosdoshme si për bujqësinë dhe për hartimin e protokolleve të reja për Menaxhimin e Integruar të Demtuesve dhe përballimin e ndryshimeve klimatike.