DAP: Nuk ka zyrtarë të përfshirë në dokumentet e ish-Sigurimit të Shtetit

Genta Sula 29.01.2019: Autoriteti në dy vjet eksiztencë ka verifikuar 1500 figura, të cilët janë zyrtarë të lartë. Nga 1500 figura, rreth 30 janë gjetur me probleme.”

Departament i Administratës Publike ka përgënjeshtruar deklaratat e kryetares së Autoritetit të Dosjeve Genta Sula. Pas deklaratave të kësaj të fundit, RTV Ora Neës, pyeti zyrtarisht zyrën e DAP e cila përgjigjet se pas verifikimeve të kryera mbi Dokumentet e ish-Sigurimit të Shtetit nga Autoriteti i Dosjeve nuk rezulton të ketë zyrtarë ish-sigurimsa.

 “Autoriteti për Informimin mbi Dokumentet e ish-Sigurimit të Shtetit ka dërguar pranë DAP vendimet përkatëse, ku konstatohet se deri më tani nuk figurojnë të ketë materiale në dokumente të ish-sigurimit të shtetit, për anëtarë të trupës së nivelit të lartë drejtues në administratën shtetërore dhe pozicione të barasvlefshme me to, për të cilët institucioni znë është përgjegjës.”

Departamenti i Administratës Publike është përgjegjëse për administratën e Këshillit të Ministrave, Ministrive, institucionet qendrore në varësi të Kryeministrit apo ministrave si dhe administrata e prefektit.

Autoriteti i Dosjeve ka deklaruar se edhe Bujar Sheshi ka qenë pjesë e ish sigurimit të Shtetit, por prokurori i ka mohuar këto akuza, madje ka ngritur edhe padi kundrejt këtij institucioni.