Durrës, policia kufitare gjen një burrë të mbytur në det

Policia e Kufirit gjen një burrë të mbytur në ujërat e detit Adriatik. Trupi i pajetë është gjetur në largësi 1.5 milje nga bregu në stacionin ‘Hekurudha’ dhe i përket një burri rreth 60 vjeç.

Policia kufitare e ka nxjerrë në breg trupin e pajetë dhe po e dërgon në morg në pritje të identifikimit pasi viktima nuk ka pasur mjet identifikimi me vete.