E parkuar pranë portit të Durrësit, merr flakë papritur makina

Një automjet është përfshirë nga flakët paraditen e sotme. Ngjarja ka ndodhur në hyrje të qytetit të Durrës.

Makina që mori flakë në afërsi të portit të qytetit bregdetar është një Ford Fokus.

Mjeti ka qenë i parkuar pranë rreth-rrotullimit në kahun e hyrjes për në portin detar.

Pak kohë pas parkimit nga drejtuesi i tij, mjeti është përfshirë nga flakët në pjesën e përparme.

Mjeti ka qenë me targa italiane dhe paraprakisht mësohet se është në pronësi të një emigranti shqiptar.