Ekzekutimi i biznesmenit, në pranga 28-vjeçari. Policia: Heshti për vrasjen

Kur po kalon 1 muaj nga vrasja e biznesmenit të kafesë në Vlorë, Vasil Dervishaj, policia ndaloi të mërkurën një tjetër të dyshuar për vrasjes, dhe ai është Donel.Sh, 28-vjeç, banues në Vlorë. Sipas policisë, ndalimi i 28-vjeçarit është bërë pasi Gjykata e Shkallës së Parë Vlorë, me vendimin Nr.169 të datës 20 qershor 2018, vendosi ndaj tij masën e sigurisë “arrest në burg” për veprën penale “Moskallëzim krimi”.

Edhe pse po kalon një muaj nga vrasja që terrorizoi Vlorën, ende nuk janë mësuar shkaqet pse u vra 28-vjeçari, edhe pse ai u përfshi në sherr me disa bashkëmoshatarë. Vasil Dervishaj duket se e priste një atentat nga personat me të cilët ishte konfliktuar disa ditë më parë në lokalin e tij, “Gimoka”. Në natën e krimit, 28-vjeçari kishte shkuar të sqarohej me E.A, 31-vjeç, lindur në Tepelenë dhe banues në Vlorë, A.C, 28-vjeç, lindur në Tepelenë dhe banues në Vlorë, Nekid Arapi, 21-vjeç, banues në Vlorë dhe Amarildo Grembi (Muka), 28-vjeç.

Të parët akuzohen si autorët e vrasjes së Vasil Dervishajt, ndërsa dy të tjerët kanë përkrahur autorët e krimit pas ngjarjes, duke i ndihmuar të largohen nga vendi i ngjarjes. Nuk dihen as shkaku pse ndodhi ky debat mes viktimës dhe personave në fjalë. Pas vrasjes së biznesmenit 29-vjeçar, autorët e dyshuar kanë tentuar të ikin jashtë Shqipërisë. Kamerat e sigurisë kanë fiksuar vetëm lëvizjet e automjeteve, por jo momentin e krimit.

Ngjarja

Shumë pista janë për ekzekutimin e Vasil Dervishajt, pronar i një bar-kafeje të quajtur “Gimoka”, dhe të një dyqani elektroshtëpiakesh, por ende arsyeja e vrasjes nuk është zbardhur, edhe pse duket se ka ardhur pas një sherri. Ai u ekzekutua me një plumb në kokë teksa dilte nga automjeti i tij, në lagjen “Pavarësia”, mbrëmjen e 4 qershorit. Biznesmeni Dervishaj mësohet se kishte ndërhyrë pas sherrit të një të afërmi të tij me autorët e dyshuar.

Ndërkohë, ata kanë debatuar edhe në telefon pak orë përpara se të ndodhte krimi, ndërsa nga burime të besueshme mësohet se biznesmeni kishte shkuar të sqarohej me autorët mbrëmjen kur u vra. Pas vrasjes së biznesmenit 29-vjeçar, autorët kanë tentuar të ikin jashtë Shqipërisë. Kamerat e sigurisë kanë fiksuar vetëm lëvizjet e automjeteve, por jo momentin e krimit. Vasil Dervishaj u qëllua me dy plumba, një prej të cilëve në kokë i cili i ka marrë edhe jetën në vend.

Autorët

Në burg është një prej autorëve të dyshuar të vrasjes së 29-vjeçarit Vasil Dervishaj, ngjarje e ndodhur të hënën e 4 qershorit. Për 28-vjeçarin A. Çaushaj, Gjykata dha më datën 8 qershor, masën e sigurisë “arrest me burg”, sikurse edhe njëri prej dy personave që ndihmuan në vrasjen e Dervishajt, Amarildo Grembi. Ndërkohë, i dyshuari tjetër si person që ndihmoi në vrasje, Nekid Arapi është lënë në “arrest shtëpie” me mbikëqyrje elektronike.

Vendimet janë dhënë nga gjyqtarja Elona Mihali. Mbi 28-vjeçarin Çaushaj rëndojnë akuzat për “vrasje me paramendim, kryer në bashkëpunim” dhe “mbajtje pa leje e armëve luftarake dhe municioneve”. Gjatë hetimeve janë sekuestruar një automjet Audi, një palë targa italiane që dyshohet se janë përdorur gjatë kryerjes së krimit, një xhup dhe një kapuç.