Grabitet i moshuari në banesë, i merren 10 mijë euro

Një banesë në fshatin Zhupan të Fierit kanë re pre e grabitjes me armë zjarri në orët e para të mëngjesit të sotëm.

Burime nga policia bëjnë me dije se persona të maskuar dhe të armatosur kanë hyrë rreth orës 4:30 të mëngjesit të sotëm në banesën e 63 vjeçarit A.L., ku nën kërcënimin e armëve kanë grabitur 10 mijë euro dhe një armë gjahu.

Policia dhe grupi hetimor të cilët kanë shkuar në vendin e ngjarjes kanë nisur punën për zbardhjen e plotë të ngjarjes si dhe identifikimin dhe kapjen e autorëve.