Hedhja e Kryqit në lumin Osum, qindra vizitorë në Berat

Qyteti i ujit të bekuar me traditën më të lashtë dhe të pandërprerë prej më shumë se 2400 vjetësh, ka mbledhur në paraditen e sotme mbi 6 mij beratas dhe të rrethinave të tij, mbi urën e Goricës dhe në gjatësi prej 1 km në të dyja anët e lumit, për të parë nga afër hedhjen e kryqitnw shtratin e lumit Osum.

Janë 15 djem të ndarë në grupe që presin në ujrat e ftohta të lumit kryqin që lëshohet nga lartësia e urës nga kryepeshkopi i Beratit, Kaninës, Vlorës dhe gjithë Myzetqes, Imzot Ignati. Ndoshta është e vetmja festë që mbleth dy fetë bashkë, atë Myslymane dhe Ortodokse për të parë nga afër këtë ritualE konsideruar si ditë e bekuar, që e ka zanafillën që nga pagëzimi i Jezu Krishtit në lumin Jorgan nga Gjon Pagëzoi, 6 janari i sotëm me diell ka mbledhur mes lagjeve muzeale “Mangalem” dhe “Goricë” qytetarë të besimeve të ndryshme fetare. Ceremonitë e ditës së shenjtë nisën që në orët e para të mëngjesit pranë Katedrales së Shën Dhimitrit me lutjet e rastit dhe më pas korri i kishës u drejtua në urën e Goricës, në lagjen me të njëjtin emër.

Kryepeshkopi i Jugut, Vlorës, Kaninës dhe Beratit Imzot Ignati, pasi ka bekuar Kryqin e shenjtë e hodhi atë nga ura shekullore e Goricës. 15 djemë beratas ishin future më herët në ujrat e ftohta të lumit Osum, por fati këtë herë ishte me të riun nga lagja “Goricë”, Xhoxhi Naço, i cili arriti ta nxjerr kryqin dhe tja dorëzoj sipas rriteve drejtuesve të kishës. Ai uroi më pas gjithë mesimtarët për këtë ditë të shenjtë.

Dilaver Xhelili