Ja se si po përfshihet bota e krimit në parlamentin e ardhshëm

Gazetari Investigativ, Artan Hoxha ka zbuluar mënyrën e re se si partitë po fusin botën e krimit në parlament.

Sipas Artan Hoxhës këtë herë nuk ka kandidatë të përfshirë drejtëpërdrejt në botën e krimit, por ka dalë një menyrë e re, pra po fusin famijarët e kriminelëve në parlament.

“Ndryshe nga parlamenti i kaluar nuk kemi persona të prekur nga krimi, por po tentohen të futen persona të afër të njerëzve që janë pjesë e botës së krimit. Kanë çuar fëmijë, kushërirë, pra emrat e tyre janë të pastër, por kanë lidhje familjare me krimin. Kjo e bën shumë të vështirë punën e Prokurorisë”, tha Hoxha në emisionin e Ylli Rakipit.