Kapet një nga tre shqiptarët e arratisur nga paraburgimi në Greqi

Një nga tre shqiptarët të arratisur nga paraburgimi në Greqi është kapur nga policia greke. Shqiptari u kap në zonën Menidi në Athinë, ndërsa mësohet se ishte ndaluar për trafik droge.

Policia greke është vënë sot nën alarm pas arratisjes së 4 të dënuarve nga komisariati Petrou Ralli në vendin fqinj.

Arratisja e 4 personave, mes tyre 3 shqiptarë dhe një gjeorgjian, ndodhi gjatë mesnatës. Sipas informacioneve të para të mediave greke, të burgosurit prenë hekurat e dritave të qelive të tyre në katin e dytë të burgut dhe përdorën çarçafë për të zbritur.

Ende nuk dihet se si të burgosurit arritën të çajnë hekurat e dritareve. Tre shqiptarët e arratisur, janë dënuar për vrasje dhe trafik droge. Më herët policia arriti të kapë gjeorgjianin. Policia është në kërkim të dy shqiptarëve të tjerë të cilët vijojnë të jenë në arrati.