Koncesionet e dyshimta, Prokuroria mbyll hetimet për dosjen ‘Beqaj’

Prokuroria e Tiranës ka pushuar hetimet për dosjen “Beqja”, në të cilën u verifikuan tre koncesione në fushën e shëndetësisë.

Në përfundim të hetimeve që nisën në dhjetor të vitit 2015 për akuzat e shpërdorimit të detyrës dhe korrupsionit, prokuroria nuk ka gjetur element të veprave penale të shpërdorimit të detyrës dhe korrupsionit.

Pas pyetjes për dhjetëra zyrtarë në Ministrinë e Shëndetësisë dhe dokumente të sekuestruara për këtë qellim nga ky dikaster, prokurori u përgjigj se nuk janë kryer veprime të dyshimta përgjatë dhënies me koncesion të:

Kontrollit mjekësor me vlerë 120 milionë euro, as në koncesionin e hemodializës me vlerë 86 milionë dollarë, si dhe në koncesionin e sterilizimit të pajisjeve kirurgjikale me vlerë 100 milionë dollarë.