“Krahët me shenja të nxira”, edukatorja i dhunoi pas një zënke dy fëmijët e kopshtit (Detaje)

Aktualitet E Mërkurë, 26 Maj 2021 07:36

Shenjat e nxira në krahët e fëmijëve të tyre një ditë pasi ata kishin bërë sherr me njëri-tjetrin kanë ngjallur dyshim tek nënat e tyre, të cilat pasi kanë pyetur fëmijët i janë drejtuar komisariatit nr.2 në Tiranë për të denoncuar edukatoren Denida Rexhepin, edukatoren që punonte në një kopësht privat në rrugën “Nikolla Lena” në Tiranë.

Dy nënat që bënë kallëzimin në polici, siç raporton BalkanWeb i kishin fëmijët në të njëjtin grup, në kopshtin ku edukatore ishte Denida Rexhepi

Më datën 30 maj fëmijët kanë thënë se gjatë ditës kur ishin duke luajtur me shokët kanë pasur një zënkë dhe ka ndërhyrë edukatorja duke i qëlluar. Ka mjaftuar kjo arsye që ata të nesërmen të refuzonin të shkonin në kopsht.

Por me sa duket ngjarja është ripërsëritur edhe të nesërmen dhe nënat kanë parë shenja të nxira në krahët e fëmijëve.

Pasi është berë kallëzimi në polici, efektivët e komisariatit nr. 2 kanë sekuestruar kamerat e sigurisë, të cilat kanë fiksuar sekuencat e dhunës së edukatores ndaj fëmijëve.

Menjëherë policia ka bërë shoqërimni e saj si dhe ka marrë në pyetje stafin e kopshtit. Po ashtu po verifikohen fëmijët e tjerë nëse ka pasur raste të tjera dhune apo jo.