Kryeministri Edi Rama thirret si dëshmitar në gjyqin e Berishës për dosjen “Partizani”.
GJKKO ka pranuar kërkesën e Sali Berishës dhe Jamarbër Malltezit për të thirrur si dëshmitar kryeministrin Edi Rama.
Gjykata ka pranuar të marrë në shqyrtim të gjitha provat shkresore të paraqitura nga SPAK si dhe provat shkresore të kërkuara nga avokatët mbrojtës të të pandehurve.
Rama do të pytet si dëshmitar për çështjen e privatizimit, ndërsa në atë kohë ka qenë kryetar i bashkisë së Tiranës.
Berisha e kërkuar vetë publikisht, por dhe përmes avokatëve të tij, që Rama të thirret si dëshmitar në proces dhe kjo kërkesë është pranuar nga SPAK dhe GJKKO.
Ndërkohë bëhet me dije se më 30 prill ora 12:00 pritet të dëgjohet si dëshmitar i parë Taulant Balla, i cili njëkohësisht është edhe kallëzues në këtë çështje.
Më tej, SPAK ka kërkuar gjithashtu thirrjen si dëshmitarë të biznesmenit Paro Laçi, si dhe të shtetasve Albert Xhani dhe Isa Tare.