Dje pasdite deri në mbrëmje vone u pa se ishte policia në avantazh, duke mos lenë protestuesit me maska të preknin Bulevardin kryesor, sheshin “Skënderbej”, rrugët kryesore. U krijua një përceptim sikur policia arriti të zbraps, por sot ishte tablo tjetër. Paradite dhe në mesditë dolën edhe pedagogët e universitetëve, natyrisht me studentët. U kërkua nga pedagogët e përfaqësuar në Sindikatë dorëheqje e kryeministrit Rama. Nuk pati përplasje me policinë, thjesht një protestë paqësore, duke krijuar një përceptim të gabuar, momental, se nga dhuna po kthehen në “flamingo 2”.
Kur kishin masivitet flamingot, kryeministri nuk ndjehej mirë. Ndërsa me dhunën e djegiet nëpër Tiranë, qeveria dukej e shqetsuar, por në realitet fërkonte duart pasi publiku nuk do dhunë e zjarr, e kësisoj ambasadat e BE dhe SHBA dolën e dënuan dhunën e protestuesve. Rastësisht apo gabimisht, mbetet për tu parë, ata nuk thanë asnjë fjalë për raprezaljet e policisë, që duhet pranuar ka patur momente jashtë çdo proporcionaliteti. Ndërkohë që protesta ishte paqësore, edhe me pedagogë, erdhën maskat dhe filluan me gurët. U prish paqja mes protestuesve dhe policisë.
Me pas gaz me shumicë, ujëhedhesa që nuk ndalonin. Gurë prapë nga njerëzit me maska. Dhe policia që luftonte në çdo rrugë sikur kishte armiq përpara.
