Kultivonin kanabis, arrestohet kryeplaku dhe tre persona të tjerë

Katër persona mes tyre edhe kryeplaku i fshatit Durrisht në Tiranë janë arrestuar nga policia pasi akuzohen për kultivim të lëndëve narkotike.

Ditën e djeshme policia ka konstatuar se në fshatin Durrisht është mbjellë në mënyrë të parregullt një parcelë me 280 bimë të dyshuara narkotike  Cannabis Sativa.

Në përfundim të veprimeve të para hetimore dhe janë arrestuar në flagrancë  shtetasit:

1. Shefqet Memoci, 64 vjeç, banues në Tiranë
2. Zeqir Memoci, 80 vjeç, banues në Tiranë
3. Fiqiri Memoci, 53 vjeç, banues në Tiranë

Gjithashtu është bërë  arrestimi në flagrancë edhe i kryeplakut të fshatit Durisht, shtetasit:

4. Myslim Spahiu, 68 vjeç, banues në Tiranë

Një pjesë e bimëve janë sekuestruar në cilësinë e provës materiale, ndërsa pjesa tjetër e bimëve  është asgjesuar me zjarr.