Ky është shqiptari i vrarë në Siri (FOTO LAJM)

Është zbuluar identiteti i shtetasit nga Kosova, i cili mbeti i vrarë së fundmi në Siri përkrah luftëtarëve të Shtetit të vetëshpallur Islamik, ISIS.

Ai është Dush Smajli nga Pasoma e Vushtrrisë, por me banim në Tunel të Parë të Mitrovicës.

Zëdhënësi i Policisë, Baki Kelani, ka rrëfyer për “gazetametro.net” se policia ka informacione për vrasjen e tij.

“Policia e Kosovës posedon informacion për vrasjen e një personi në Siri, i cili është nga Mitrovica. Mirëpo, referuar situatës në Siri, PK nuk posedon informacion apo dokumentacion zyrtar për vrasjen e tij”, ka thënë ai.

Por, i vrari në Siri kishte shkuar edhe dy herë të tjera në vendin e luftës në vitin 2013 dhe ishte kthyer në Kosovë, është arrestuar më pas në gusht të 2015-së, por ishte lënë i lirë.