Luhatjet e energjisë, shkrumbohet një banesë në Shkodër

Një banesë është shkrumbuar mëngjesin e sotëm në fshatin Grudë e Re, në qytetin e Shkodrës.

Shkaku i djegies së banesës është bërë nga luhatjet e energjisë elektrike.

Sipas burimeve nga vendngjarja bëhet e ditur se banesa është shkrumbuar pothuajse plotësisht.

Mësohet se fatmirësisht nuk ka pasur viktima në njerëz, vetëm dëme materiale.

Në vendngjarje mbërritën menjëherë zjarrfikësit, të cilët bënë të mundur shuarjen e zjarrit, por pa mundur të shmangin dëmet materiale.