Mbledhja me dyer të mbyllura, zbardhen porositë e Gramoz Ruçit për deputetët e PS

Zbardhen detaje nga mbledhja e grupit parlamentar të PS-së. Në mungesë të kreut të PS dhe kryeministrit Rama, porositë për deputetët socialistë janë dhënë nga kreu i Kuvendit, Gramoz Ruçi.
Ashtu si ishte njoftuar edhe më herët, seanca plenare nuk do të mbahet të enjten, për shkak të ditës së pushimit, Dites së Verës, por do të avancojë me një ditë.

Kuvendi këtë javë do të mblidhet ditën e mërkurë dhe Ruçi ka kërkuar prezencë të plotë në sallë dhe disiplinë.

“Pjesë e diskutimeve në seancën nuk duhet të jetë opozita, por ligji dhe qytetarët”- mësohet të ketë thënë Ruçi, referuar burimeve nga mbledhja e grupit të PS-së.

Sipas Ruçit, diskutimet duhet të jenë brenda rendit të ditës.