“Më rrihte që të bëhesha prostitutë”, denoncimi i vajzës nga Vlora fundos “tutorin” (Emri)

Policia e Vlorës ka arrestuar një 30 vjeçar si autor të dyshuar për shfrytëzim prostitucioni, pas denoncimit të bërë nga një vajzë e re.

Një ditë më parë, pranë ambienteve të policisë së Vlorës është paraqitur dhe ka bërë kallëzim shtetësia K.L., 20 vjeçe, banuese në Vlorë, e cila ka deklaruar se shtetasi Mariglen Çunaj, 30-vjeçari i lindur në Vlorë dhe me banim në Kavajë ka ushtruar presion dhe dhunë fizike ndaj saj me qëllim që kjo e fundit të bëhej prostitutë kundër vullnetit të saj.

Policia bëri menjëherë shpalljen në kërkim të shtetasit të mësipërm, ndërsa mundën ta kapnin ditën e sotme në një rrugë të lagjes “Pavarësia” Vlorë.

Nga hetimet e kryera rezulton se ky shtetas është arrestuar disa herë për veprën penale të “Vjedhjes”.
Materialet iu referuan Prokurorisë për veprën penale “Shfrytëzim prostitucioni”.