Nikoll Lesi: Dritan, a je spiun i Iranit? Goxhaj: Shteti ka institucione për këtë punë…

Në emisionin ”Koha Jonë-Debat”, drejtuesi Nikoll Lesi e pyeti drejtëpërdrejtë Dritan Goxhajn, nëse ka lidhje me shërbime iraniane apo financime të dyshimta, duke i cilësuar këto si akuza të rënda që dëmtojnë imazhin publik të një individi. Ai paralajmëroi gjithashtu se akuza të tilla mund të përfundojnë në gjykatë dhe madje deri në Strasburg, me pasoja financiare për shtetin shqiptar. Por Goxhaj tha se nuk mund të dërgojë në gjyq Ramën apo Ballën, sepse dëmshpërblimi do të paguhet nga taksat e marra ndaj qytetarëve.

Pjesë nga debati

Lesi: Ke kontakte me shërbimet iraniane? Ke financime apo si janë këto akuza? Janë akuza të rënda Dritan, është akuzë e rëndë.

Goxhaj: Prandaj thashë, që shteti ka institucione për këtë punë.

Lesi: Në qoftë se vijon të akuzojë kryeministrit dhe kryetari i grupit parlamentar i PS-së me status publik, të ka dëmtuar imazhin dhe duhet ta hedhësh në gjyq. Hedh gjyqin shtetin shqiptar në një gjyq që mund ta çosh në Strasburg, t’i marrin shuma të mëdha parash. Më vërtetoni që jam spiun i Iranit, u thua hapur.

Goxhaj: Unë kam marrë pjesë në këtë protestë dhe marr pjesë në këtë protestë për shkak për të ndaluar këto abuzime sepse me këto abuzime të këtyre njerëzve, njerëzit po shkojnë nëpër gjyqe, sepse me të vërtetë u është prekur imazhi, por ama paratë që paguhen për këto aventura të këtyre pushtetarëve paguhen nga xhepi i qytetarëve dhe në asnjë mënyrë, në asnjë rast nuk do ta bëja këtë që thoni juve për të hedhur shtetin shqiptar në gjyq dhe paratë pastaj t’i paguante qytetari i thjeshtë shqiptar, i cili ka dalë në protestë.

Lesi: Këtu e ke gabim, qoftë edhe nëse do të merrja 1 euro, mjafton të ruash dinjitetin nëse nuk ke lidhje me Iranin..

Goxhaj: Shteti nuk është pronë as e Tauland Ballës, as e Edvin Ramës, as e Sali Berishës, as e Dritan Goxhaj. Shteti është i qytetarëve. Pra, ne jemi për ndryshimin e ligjeve në mënyrë që aktualisht në Republikën e Shqipërisë nuk ka një ligj që ta paguaj dëmin ai që e bën. Pra në rast se e bën dëmin ti e paguan shteti. Për këtë arsye pikërisht për këtë arsye jemi për ndryshimin e këtyre ligjeve. Pra për një sistem të ri ku dëmin ta paguaj individi që e bën dhe jo ta paguaj shteti. Sepse nuk ka borxh shteti të paguajë dëmin e një personi që për një moment të caktuar mund t’i ketë rrëshkitur proi psqik…