Paralajmërohet biznesmeni në Vlorë, i vendosin dinamit në lokal gjatë natës

Aktualitet E Mërkurë, 26 Maj 2021 23:23

VLORE– Një shpërthim ka ndodhur gjatë natës së kaluar në një lokal në qytetin e Vlorës. Sipas policisë, ngjarja ka ndodhur në një lokal në katin e parë të një pallati rreth orës 03:20, në lagjen “Lirimi”.

Dyshohet se shpërthimi mund të jetë kryer me lëndë shpërthyese “Dinamit” në lokalin në pronësi të R.M., 56 vjeç. Nga ngjarja nuk ka të lënduar, por vetëm dëme materiale.

Njoftimi i policisë:
Rreth orës 03:20, në lagjen “Lirimi” ka ndodhur një shpërthim me pasoja të lehta.

Ngjarja ka ndodhur në katin e parë të një pallati (lokal) në pronësi të shtetasit R.M., 56 vjeç, ku për pasojë është dëmtuar vetëm xhami i dritares së këtij lokali.