Pedagogia që zëvendëson Nikollën në Ministrinë e Arsimit

Një nga 6 ministritë që deri në zgjedhje do jenë nën drejtimin e ministrave teknik të PD-së, është dhe pedagogia që do të zëvendësojë Ministren ende në detyrë Lindita Nikolla, në Ministrinë e Arsimit dhe ajo është Mirela Karabina. E propozuar nga Lulzim Basha dhe pranuar nga Rama për të qenë Ministrja e Re e Arsimit.

Ajo ka lindur në 29 maj të vitit 1966 dhe ka punuar për shumë vite si mësuese. Ajo ka qenë drejtoreshë e shkollës 9 vjeçare P.Budi në Tiranë në vitet 2005-2011.

Aktualisht ajo punon si pedagoge në Universitetin e Tiranës dhe në disa universitete të tjera.

Mirela Karabina është bashkëshortja e ambasadorit shqiptar në Bullgari në vitet 2011-2014.