Për tubimin pritet procedimi i 31 protestuesve, edhe i Kasmit

Dy ditë pas protestës marshim të opozitës, pritet që 31 persona, mes tyre edhe kryeredaktori i ”RD” Bledi Kasmi pritet që të procedohen nga policia për incidentet para Kryeministrisë dhe Ministrisë së Brendshme.

Policia e Shtetit e ndihmuar nga ekspertë të huaj po analizon të gjitha pamjet nga protesta për të filluar më pas procedimet. Nga të dhënat e para mësohet se numri i personave që do të akuzohen për kundërshtim dhe goditje të policëve është 31.

Kasmi, sipas të dhënave nga grupi hetimor nga analizimi i pamjeve rezulton se ka goditur dhe kundërshtuar policët. Gjatë protestës ai mbeti i lënduar, pasi goditi me kokë rrjetën me të cilën shtyu policët para Ministrisë së Brendshme.