Përfshihet nga flakët bombula e gazit, plagoset çifti i bashkëshortëve

Një çift bashkëshortësh kanë mbetur të plagosur pasi bombola e gazit ka marrë flakë në banesën e tyre.

Ngjarja ka ndodhur sot në qytetin e Vlorës. Mësohet se çifti ka pësuar djegie në pjesë të trupit, aktualisht burri është transportuar drejt Tiranës për ndihmë mjekësore më të specializuar.

Ndërkohë, gruaja e identifikuar me inicialet M.S 49 vjeçe, ndodhet në spitalin e Vlorës. Ende nuk bëhen me dije detaje të tjera nga ngjarja, apo se si është gjendja e tyre.