Përndiqte ish-gruan, arrestohet në Itali 43-vjeçari shqiptar

Një 43-vjeçar shqiptar është arrestuar nga policia italiane pasi përndiqte ish-gruan e tij.

Bashkëshorti “stalker” u arrestua nga policia teksa po priste jashtë Gjykatës, ku edhe po zhvillohej seanca gjyqësore e divorcit.

Prej kohësh 43-vjeçari shqiptar përndiqte gruan dhe pas denoncimit të saj në polici, ai u dëbua në Shqipëri por edhe prej së largu vazhdonte që të përndiqte gruan.

Ditën e gjyqit, autoritetet italiane morën informacione se shqiptari ishte kthyer dhe sapo u përpoq të afrohej u arrestua para gjykatës.