Pezullimi nga detyra i Plarent Ndrecës, Prokuroria letër Ministrisë së Arsimit (Dokumenti)

Aktualitet E Shtunë, 29 Maj 2021 10:10

Prokuroria pranë Gjykatës së Shkallës së Parë Krujë, i ka dërguar një letër Ministrisë së Arsimit dhe Sportit, ku kërkon informacion për sekretarin e Përgjithshëm të Ministrisë, Plarent Ndreca dhe Dorina Laci të cilën u pezulluan nga detyra pas urdhrit të ministres teknike të Arsimit e propozuar nga PD, Mirela Karabina.

Gjithashtu ministrja i kallëzoi në prokuroi shtetasit Plarent Ndreca dhe Dorina Laci të dyshuar për kryerjen e veprës penale të “goditjes për shkak të detyrës”.

Sipas saj, këta shtetas dyshohet se kanë qenë të pranishëm në ambientet e shkollës së mesme “Shote Galica”, Fushë Krujë në kohën kur aty po zhvillohej provimi i Maturës Shtetërore, të pa pajisur me autorizim nga autoritetet përkatëse.

Prokuroria kërkon informacion nga Ministria e Arsimit nëse Plarent Ndreca dhe Dorina Laci kanë qenë të pajisur me autorizim për të qenë të pranishëm në shkollë dhe nëse po të vihet në dispozicion autorizimi.
dokumenti