Policia e Shtetit thirrje protestuesve: Ndaloni veprimet e dhunshme

Teksa mazhoranca është duke mbajtur seancën plenare me dhjetëra qytetarë dhe ish deputetë të PD dhe LSI janë duke protestuar, Policia e Shtetit u bën thirrje me megafon që të ndalojnë veprimet e dhunshme.

“Ndërprisni veprimet e dhunshme, veprimet që po kryeni përbëjnë vepër penale. Ne do zbatojmë ligjin”.

Në protestë nuk mungojnë tensionet dhe shashka që hidhen në drejtim të parlamentit. Protestuesit kanë tentuar të çajnë radhët e policisë dhe kanë hedhur herë pas here tymuese.