Policia e Tiranës ka një zv/ drejtor të ri dhe shef të ri rrugor

Vijojnë ndryshimet në postet drejtuese të policisë. Arsen Sinomati, i cili deri tani ka mbajtur postin e shefit të Komisariatit nr 2 emërohet zv/Drejtor i Policisë së Tiranë.

Ai zëvendëson në këtë post Skënder Hitën.  Po kështu largohet shefi i Rrugores Ervin Hasrama, në vend të tij emërohet Erjon Ahmeti

Ndërkohë më 27 prill, pati një tjetër rokadë ndryshimesh në Policinë e Shtetit. Në prag të zgjedhjeve të përgjithshme parlamentare Policia e Shtetit u përfshi nga një valë e gjerë ndryshimesh që prekën si Drejtorinë e Përgjithshme ashtu edhe krerët e 10 qarqeve në vend, duke lënë të pandryshueshme dy qarqe Dibrën dhe Kukësin.

Prej kësaj dite drejtimin e policisë së Tiranës e mori Ardi Veliu i cili zëvendësoi Ervin Hodajn

Ndër emrat me të spikatur që ndryshuan ishin dhe ato të Drejtorit të Përgjithshëm të Krimit të Organizuar. Pas largimit të Ardian Çipës u drejtua nga një ish vartës itij Idajet Faskaj.