Priten tri ditë të ftohta, masat ajrore të Rrethit Polar mbërrijnë në Ballkan

Priten 3-4 ditë të ftohta, njofton Meteoalb. Që nga mesnata që kaloi, masa ajrore të Rrethit Polar kanë nisur të zbresin deri poshtë në Ballkan duke përfshirë dhe territorin shqiptar. Rrjedhimisht, temperaturat e ajrit do të pësojnë një rënie drastike ku vlerat minimale në zonat malore zbresin rreth 10°C nën zero.

Po ashtu, temperatura shumë të ulëta do të shënohen edhe në Ultësirën Perëndimore ku zona të veçanta do të shënojnë 2-3°C nën zero.

Rënia vijon edhe të dielën ndërsa të hënën, pritet rritje e lehtë e tempurave. Rritja do të vijojë me 2-3°C edhe të martën ndërsa pas të mërkurës, temperaturat rriten ndjeshëm duke vijuar të larta edhe 10-ditëshin e parë të muajit mars 2019.

Tabloja e reshjeve: gjatë fundjavës priten reshje të pakta dhe të izoluara në veri dhe zonat qendrore por reshje të dobëta dhe lokalisht mesatare do të sjellë e shtuna në Jug të vendit. Si pasojë e tempurave të ulëta, reshjet do jenë në formën e dëborës në zonat malore (aty ku do ketë reshje) por rrezikohen edhe disa zona të ulëta, nga flokë të përkohshëm dëbore.