Rama: Mbyllet faza e parë e garës ndërkombëtare për 3 stadiumet e reja në Durrës, Vlorë dhe Korçë

Kryeministri Edi Rama ka njoftuar se është përmbyllur me sukses faza e parë e garës ndërkombëtare për 3 stadiumet e reja në Durrës, Vlorë dhe Korçë.

Kreu i qeverisë njofton se janë nëntë finalistë që do të konkurrojnë në tre garat në fillim të Majit.

Rama shprehet se një pjesë e konsiderueshme e aplikimeve kanë qenë studio me prestigj të lartë në skenën bashkëkohore të arkitekturës.

“Dhe me kënaqësinë e përmbylljes me sukses të fazës së parë të garës ndërkombëtare për 3 stadiumet e reja në Durrës, Vlorë, Korçë, ku nga 86 aplikimet e 41 studiove (studiot kanë aplikuar sipas dëshirës për 1, 2 apo 3 finale), mes të cilave një pjesë e konsiderueshme me prestigj të lartë në skenën bashkëkohore të arkitekturës, kanë dalë nëntë finalistët që do të konkurrojnë në tre garat e fillim-majit në qytetet respektive, ju uroj një fundjavë të mbarë”, shkruan Rama.