Rama për zjarret në Himarë e Fier: Situata nën kontroll, nis vlerësimi i dëmeve

Kryeministri Edi Rama, thotë se Bashkia e Himarës dhe ajo e Fierit do të nisin verifikimin dhe vlerësimin e dëmeve të shkaktuara nga zjarret, me qëllim identifikimin e familjeve që kanë nevojë për ndihmë dhe dëmshpërblim.

Himara dhe Fieri përjetuan një natë të vështirë për shkak të zjarreve, ndërsa situata aktualisht është nën kontroll dhe nuk paraqet rrezik për banorët apo zonat e banuara.

Rama vlerësoi gjithashtu punën e strukturave në terren, të cilat menaxhuan situatën e krijuar nga zjarret në Himarë dhe Fier. Sipas tij, ndërhyrja e tyre bëri të mundur shmangien e rrezikut për banorët dhe zonat e banuara.

”Aktualisht situata është nën kontroll dhe nuk ka rrezik për banorët apo zonat e banuara. Strukturat përgjegjëse vijojnë punën në terren për monitorimin e situatës dhe evidentimin e dëmeve. Bashkitë do të vijojë identifikimin dhe vlerësimin e dëmeve, si dhe evidentimin e rasteve që kanë nevojë për ndihmë urgjente”,-shkruan Rama.