Rritet numri i viktimave nga COVID19, ndërron jetë 90-vjeçari në Spitalin Infektiv

Një pacient 90-vjeçar ka humbur jetën në spitalin infektiv, si pasojë e tromboembolisë pulmonare.
Sipas Ministrisë së Shëndetësisë, 90-vjeçari ishte i prekur edhe nga COVID19 dhe vuante nga disa sëmundje bashkëshoqëruese (tromboemboli pulmonare, diabet mellitus, hipertension). Pacienti ndodhej i shtruar prej 5 ditësh në spitalin infektiv në gjendje të rëndë shëndetësore.
Sipas mjekëve që e kanë trajtuar gjatë gjithë kësaj kohe, shkaku i vdekjes së 90-vjeçarit është tronboembolia pulmonare.
Numri i viktimave në Shqipëri ka arritur në 22. Ndërkohë numri i personave të konfirmuar me koronavirus ka arritur në 393.