Salianji kritikon protestat e PD: Më të dobëtat në histori. Edhe në synetllëqe ka më shumë njerëz

Ish-deputeti i PD, Ervin Salianji ka shprehur kritika të forta ndaj organizimit të protestave të fundit, duke i cilësuar ato si më të dobëtat në historinë e kësaj force politike. I ftuar në emisionin ”Koha Jonë-Debat”, Salianji deklaroi se pjesëmarrja e ulët tregon paaftësinë e drejtuesve për të mobilizuar qytetarët.

Sipas tij errësira nuk mund të fshehë boshllëqet dhe mungesën e organizimit. Po ashtu Salianji tregoi edhe një episod personal për të ilustruar situatën, duke thënë se një mik i kishte përmendur se në një festë familjare kishte pasur më shumë pjesëmarrës sesa në protestat e fundit të opozitës.

”Janë protestat më të dobëta që Partia Demokratike ka organizuar në historinë e saj. Si mund të mos i them unë këto. Errësia mund të mbulojë shumë gjëra, edhe boshlliqet, por nuk e mbulon dot paaftësinë e drejtuesëve për të nxjerrë njerëz. Më tha një mik që në festën e synetllikut të çunit kisha më shumë njerëz se ju. Më erdhi shumë zor. Ndaj them duhet të ndryshojmë, ka rënë ja 15 herë Rama, do bjeri edhe me 8 maj. Do ta rrëzojë Berisha”,-tha Salianji. /Koha Jonë/