Shisnin drogë në Tiranë! Arrestohen 4 persona, shpallet në kërkim një tjetër

Aktualitet E Premte, 20 Gusht 2021 20:57

Godiet një tjetër rast i shitblerjes të lëndëve narkotike dhe bien në pranga 4 shtetas si dhe shpallet në kërkim 1 tjetër.Gjatë operacionit nga Seksioni kundër Narkotikëve në bashkëpunim me Komisariatin e Policisë Nr.5, të koduar “Zallmneri”, u arrestuan 4 shtetas si dhe u shpall në kërkim 1 tjetër.

Të arrestuarit janë:

– Xhevahir Lusha, 47 vjeç, banues në Tiranë.

– Ilirjan Selimi, 34 vjeç, banues në Tiranë.

– Ervin Lika, 30 vjeç, banues në Tiranë.

– Besnik Lika, 26 vjeç, banues në Tiranë.

Si dhe u shpall në kërkim shtetasi :

– B. H., 26 vjeç, banues në Tiranë.

Këta shtetas në rrugën “Teuta” u kapën në flagrancë nga shërbimet e Policisë, ku në bashkëpunim me njëri tjetrin po transportonin qese me lëndë të dyshuar narkotike të llojit Cannabis Sativa, nga banesa e shtetasve (Ervin Lika dhe Besnik Lika, vëllezër), në bagazhin e një automjeti tip “Golf”.

U sekuestruan gjithashtu në cilësinë e provës 67 kg lëndë e dyshuar narkotike e llojit Cannabis Sativa, automjet tip “Golf” dhe 3 aparate celularë.

Njoftimi i plotë i policisë:

Finalizohet operacioni policor i koduar “Zallmneri” nga Seksioni kundër Narkotikëve në bashkëpunim me Komisariatin e Policisë Nr.5.

Godiet një tjetër rast i shitblerjes të lëndëve narkotike.

Arrestohen në flagrancë 4 shtetas si dhe shpallet në kërkim 1 tjetër.

Sekuestrohet lëndë narkotike, automjet dhe aparate celularë.

Seksioni kundër Narkotikëve në bashkëpunim me Komisariatin e Policisë Nr.5, në kuadër të operacionit policor të koduar “Zallmneri”, arrestuan në flagrancë shtetasit :

– Xhevahir Lusha, 47 vjeç, banues në Tiranë.

– Ilirjan Selimi, 34 vjeç, banues në Tiranë.

– Ervin Lika, 30 vjeç, banues në Tiranë.

– Besnik Lika, 26 vjeç, banues në Tiranë.

Si dhe u shpall në kërkim shtetasi :

– B. H., 26 vjeç, banues në Tiranë.

U sekuestruan në cilësinë e provës materiale :

– 67 kg lëndë e dyshuar narkotike e llojit Cannabis Sativa.

– automjet tip “Golf”.

– 3 aparate celularë.

Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale “Prodhim dhe shitje lëndësh narkotike e kryer në bashkëpunim”, parashikuar nga neni 283/2 i Kodit Penal.