Sinoptikania: Nesër mbërrin i ftohti polar. Temperaturat shkojnë në -6 gradë celcius

Sipas sinoptikanes së Meteoalb, Lajda Porja, cikloni që ka përfshirë Shqipërinë ka sjellë reshje të konsiderueshme në të gjithë territorin. Problematike situata është paraqitur në veri, veri-perëndim ku reshjet kanë regjistruar edhe 90mm.

Nesër parashikohet dobësim i ndjeshëm i reshjeve duke bërë që reshjet të jetë të pakta, dhe kryesisht në jug të vendit.Ndërkohë, ditën e nesërme pritet të ketë edhe reshje bore, si pasojë e ndikimit të temperaturave polare. Kështu do të ketë rënie të ndjeshme të temperaturave, duke bërë që minimalet të zbresin në -6 gradë celcius në zonat malore. Era do të jetë problematike deri në 70km/h duke sjellë probleme në brigjet detare.

Porja tha se dhjetori, muaji i festave, do të shoqërohet kryesisht me reshje shiu.