Situatë emergjente në Darzezë të Fierit

Orët e para të së dielës është rënduar situata në fshatin Darzezë të Fierit, ku janë shfaqur problem me argjinaturën e lumit.

Ministrja e Mbrojtjes, Olta Xahcka është nisur në orët e vona të mbrëmjes së sotme drejt fshatit Darzezë për të monitoruar nga afër situatën.

Kujtojmë se më herët 40 efektivë të Forcave të Armatosura janë nisur drejt fshatit Darzezë për vendosjen e thasëve me rërë në dy anët e argjinaturës së lumit.

Rreziku për përmbytje nuk është larguar ende nga Fieri dhe Vlora, pasi Vjosa është në pikën kritike duke shkarkuar e gjitha në jug.